Hewwa ma net
Mä hewwe koan Fenda – hewwe ma net
Mä hewwe koa Stratocasta – hewwe ma net
Un aa koan Synthesaisa – hewwe ma net
Mä singe wie bei de alde Rema
awwa Luscht zu singe, des hewwe ma
Rhythmus im Blut, des hewwe ma
Melodie im Oa, des hewwe ma
awwa sunscht – hewwa ma nix
Mä hewwe koa geili PA – hewwe ma net
Mä hewwe koan Sampla – hewwe ma net
Un aa koan Equilaiza – hewwe ma net
Mä sin hoffnungslos hinnam Mond
awwa Luscht Musik zu mache, hewwe ma
Peffa im Hinnan, hewwe ma
Schmeddaling im Bauch, hewwe ma
awwa sunscht – hewwe ma nix
Mä hewwe koa Rhythmus-Machine – hewwe ma net
Mä hewwe koan Hip – Hop – hewwe ma net
Un aa koan Repsgass-Hit – hewwe ma net
Mä drummln mit de Hond wie die im Busch
awwa Luscht zu Lewe, hewwe ma
Note uff’m Blatt, hewwe ma
un de Text net im Hern, des hewwe ma
awwa sunscht – hewwe ma nix
Mä hewwe koa Management – hewwe ma net
Mä hewwe koa Image – hewwe ma net
Un aa koan Sex-Appeal – hewwe ma net
Mä singe aa net mit de Katz uffem Klo
awwa s‘ Singe noch net satt, des hewwe ma
Belcanto in de Schtimm, des hewwe ma
Ko Ruh, bis ma singe, hewwe ma
awwa sunscht – hewwe ma nix
Vänne
Ref:
Vänne, Ou – Ou, Vänne, Ou
Vänne doi Zentrum leigt außerhalb
doi Herz bobbad im badische – Ou, ou Hessisches Vänne
Vännema schaffe in Monnem – Vännema sin in de IG Metall
Vännema sinn aa aus Monnem -Vännema singe im Gsongvaoin
Vännema schbiele Sqausch un Skat – O Vännema!
Vännema esse Schinesisch – Vännema schloze Eisevl’s Eis
Vännema mache Urlaub in Nepal
Vännema gehn middags ins Bauhaus
Vännema fahn Fahrrad wie de Deifl – Vännema!
Ref
Vännema gehn zu de Griene – Vännema suche noch Vailscha
Vännema keggln im Deitsche Haus – Värnema sin Katholisch
Värnema drome nachts vun de Fraa Brundtlond – Vännema!
Värnema mache im siwwene die Rollede enunna
Värnema saufe omol im Joar in de Inneschtadt
Värnema in alla Weld
Värnema bleiwe liewa dehoam
Värnema kumme aa vun auswäds – Vännema!
Ref
Mä sinn aa Värnema
Isch bin oin Viernhoima (Kennedy-like)
Mä sin do geboarn – orra aa ned
Värnema mache die Dää zu – un mä die Dää zu dem Song
Vänne, Ou – Ou, Vänne, Ou
Vänne – mä hot soi Kreiz mit dä
awwa desdeweje, awwa desdeweje bleiwe ma do
Wu käscht’n Du hi ?
REF :
Wu käscht’n Du hi
Isch kä do hi
Mä kän dorthi wu ma sinn
Die Goldmedallie im Zehnkampf, de Schillerpreis
zeilt net
wu käscht’n hi
De Dokta in Philosophie, die allgemeine Feldtheorie
zeilt net
wu käscht’n hi
De Nobelpreis, de Grammy
zeilt net
nix zeilt, blouß
Wu käscht’n hi
R E F R A I N
Du hoscht des Rad erfunne
zeilt net
wu käscht’n hi
Du hoscht disch nei valiebt
zeilt net
wu käscht’n hi
Du konnscht mache was de wid
zeilt net
wu käscht’n hi
R E F R A I N
Un die sin schwarz, orra grie orra gschprenglt
zeilt net
wu käscht’n hi
Un die sin vun Driwwe, awwa net vun do
zeilt net
wu käscht’n hi
Un die sin halt onnascht
zeilt net
wu käscht’n hi
R E F R A I N
3 x REF
Des Friedhouf-Syndrom
Isch hebb se jo gään
Isch deed se jo nemme
Isch hebb koa oannari sou lieb wie die
Awwa isch konn net
Awwa isch konn net
die hot des Friedhouf-Syndrom
die hot des Friedhouf-Syndrom
Greewa gieße
heggln, graawe
Kerze vabrenne
un nachts singt’se die Alla-Heilische-Lidanei
Des hald isch net aus
Des hald isch ned aus
Isch hebb se jo gään
Isch deed se jo nemme
Isch hebb koa oannari sou lieb wie die
Awwa isch konn net
Awwa isch konn net
die hot des Friedhouf-Syndrom
die hot des Friedhouf-Syndrom
Kisslstoa zeile
Graabstoa budze
Lembscha rebariern
un nachds dengdse on Allerseele
Des hald isch net aus
Des hald isch ned aus
Isch hebb se jo gään
Isch deed se jo nemme
Isch hebb koa oannari sou lieb wie die
Awwa isch konn net
Awwa isch konn net
die hot des Friedhouf-Syndrom
die hot des Friedhouf-Syndrom
Aschdan zieschde
Erd schwarz ferwe
Friedhoufs-Kerze gieße
un nachts dromdse vun Seele-G’schbenschda
Des hald isch net aus
Des hald isch ned aus
Isch bin se jedzd louß
un such se nachts uffm Friedhouf
Isch glaab, isch wä noch zum Gschbendschd
Awwa isch konn nemme uhne se leewe
Isch heng misch hald uff,
donn heggldse wenischdens moi Graab
donn heggldse wenischdens moi Graab
Wu is die Wu
Wu is die wu ma g’fellt (Wu is die Wu)
Wu is die wu, die wu mit ma lacht (Wu, wu)
Wu is die wu, die wu mit ma groint (Wu is die Wu)
Wu is die wu, die mu ma halt gfellt (Wu)
(Wu is die wu mit ‚em lacht
Wu is die wu mit ‚em groint
Wu is die, die wu ‚em halt g’fellt)
In Mannem bin isch rum gedappt
in Darmstadt un in Heidelberg
Hiwwe vum Rhoi, driwwe vum Rhoi
Om Necka un de Weschnitz
Nirgends wa die wu
Wu is die wu ma g’fellt
Wu is die wu, die wu mit ma lacht
Wu is die wu, die wu mit ma groint
Wu is die wu, die mu ma halt gfellt
In Indien bin isch rumgedabbd
in Thailond un in Singapur
Hiwwe vum Waasa un driwwe vum Waasa
in Polen un in Ungarn drin
Nirgends waa die Wu
Wu is die wu ma g’fellt
Wu is die wu, die wu mit ma lacht
Wu is die wu, die wu mit ma groint
Wu is die wu, die mu ma halt gfellt
In Verne bin isch rumgedabt
Im Schwimmbad un im Schtadion drauß
Hiwwe uf de Gass, driwwe uf de Gass
In de Kersch un uffm Markt
Nirgends wa die wu
Wu is die wu ma g’fellt
Wu is die wu, die wu mit ma lacht
Wu is die wu, die wu mit ma groint
Wu is die wu, die mu ma halt gfellt
Moie dabb isch in Verne rum
in Darmstadt, Mannem, Heidelberg
Hiwwe vun allem, driwwe vun allem
Bis se rauskimmt, die wu
Sing isch laut vor misch hi
Wu is die wu ma g’fellt
Wu is die wu, die wu mit ma lacht
Wu is die wu, die wu mit ma groint
Wu is die wu, die mu ma halt gfellt
Heidlberg
Moi Herz, Moi Herz
Moi Herz – in Heidlberg moi Herz –
Moi Herz, des hewwe se dord rebarierd
Moi Herz, Moi Herz
Moi Herz – die Chirurgisch hot moi Herz –
in Heidlberg do hod s’es rebarierd
Isch hebb in Heidlberg schun viel valoan
Schlissl oa mass, moi Uschuld,
zwee drei Daschedischa un die Absetz vun de Schuh
Vor allem in Haufe Geld in de Kneiwe vun de Altstadt awwa,
REF
Isch hebb in Heidlberg schun viel valoan
Die Fahrkaad vun de Schdroßeboahn,
die Akademisch Würde un selli Verdlschdun
Vor allem in Haufe Geld in de Kneiwe vun de Altstadt awwa,
REF
Isch hebb in Heidlberg schun viel valoan
Moi Schbugg im Negga, moi Geduld im Hauptboahnhouf
un die Fahradbumb koarz vor Dossene
Vor allem in Haufe Geld in de Kneiwe vun de Altstadt awwa,
REF
Isch hebb in Heidlberg nix mee valoan
moi Herz meschd des nemme mid,
die Japoana, die Oamis, Roilenna un Fronzouse
in de Kneiwe vun de Altstadtdo hebb isch nix mee vallon, awwa
REF
EVELYN UND ROSMARIE
Evelyn, oh Evelyn – du duftescht heit wie Rosmarin
Rosmarie, oh Rosmarie – du hoscht sou scheene spitze Knie
Evelyn….
Uff’m Trottoir – uff’m Trottoir – doanz isch mit de Evelyn
s’is net woar – s’is net woar – saach isch donn de Rosmarie
Evelyn….
Uff’m Kanapee – uff’m Kanapee
schmus isch mit de Rosmarie
s’is doch woar – s’is doch woar
kreischt doann do die Evelyn
Evelyn….
Evelyn….
MOIN PRINZ
Moin Prinz – sei moin Prinz – isch long disch oa
isch heb disch zum Fresse gärn
isch ded sogar die Hoor vun doinem Bart – zeihle
und täglisch jedes oanzeln bade – computergenau
Moin Herr, schreib ma e Programm in moi Herz
moin Maischter, zieh misch, zerr misch, leg misch
isch bin goanz doi – moi Herz bobbert fa disch
moi Hern kannscht iwwanemme
moin Input, moin Output – moin Input, moin Output
sei moin Sießholzraschpler
Moin Herr – moin Herr sei moi
bärdischer Lieblingsbabbler – isch vaschtärk da doi Stimm
moi moi moi – isch bin doi doi doi – ah..
Prinz, Herr, Maischter, sei moin Sießholzraschpler
Prinz, Herzog, Herzaag, Kaiser, Programmierer
du derfscht soi, was de wid
isch lieb disch, isch freß disch – moi Herz bobbert blouß fa disch
moi Hern saugt disch uff
moin Ferscht, – woann de misch liebscht
liebscht disch selbscht – wie im Droam gedenkt
moin Prinz – isch heb disch – isch heb disch zum Fresse gärn
moi Herz bobbert blouß fa disch
die Elektrone rase dursch die Boahne
die Ione im Hern fonge zu schtrahle oa
Sei moi – kear bei ma oi – mach misch oa
mach misch zu was de wid
moin Moann – moin Prinz
verschling misch – vadau misch
oh Input -oh Output, oh Input – oh Output
Input – Input – Input – Input – Input – Input… oh yeah
Tusnelda
Tusnelda, ach Tusnelda
kumm mä mache Fisimadende
Tusnelda, ach Tusnelda
dord hinne uff’m Koannapee
Tusnelda, moi Tusnelda
Visitez ma tente, mä mache Fisimadende, Vi-si-tez ma tente Hey, hey Tussi, des is cool
Hey, hey Tussi, des is groovy, hey, hey, hey Tussi, moi Tusnelda
Du leigscht uff moim Portmonä
Ref
Hey, hey Tussi, isch bin high,
Hey, hey Tussi, des zieht noi, oh hey, hey, Tussi, moi Tusnelda
Du leigscht uff moim Parablü
Ref
Hey, hey Tussi me feel good
Hey, hey Tussi ja, des funkt, oh hey, hey, Tussi, moi Tusnelda
kumm mä kaafe des Konnapee
Ref
Hey, hey Tussi ma chère
Hey Tusnelda stay with me, oh hey, hey Tusnelda, moi Liewi
voulez vous – alles avec moi?
Ref
Summa dehoam
Summa, Summa -Summa dehoam
Summa, Summa – Summa dehoam
Summa, Summa – Summa, Summa
Knoblauchmigge, Spagheddi, die Hitz un Migg Jagger,
Brotworschfillsl un doi saxofon.
Beblizde, vadunnade Rasemäha,
un drei Pund Schnei noch in de Kiehltruh
REF
Reiedrobbe frisch gewaxde,
Liewesbriefe uff’m Duschvorhoang.
De Gaadezwoggl vum Nochba in de Nas geboad,
nachts im Finfe Schbinnewewe rezensiert
REF
Moieds im Sechse Salzschdonge satt genosse,
im pay-TV was ma ned brauchd beschdelld
Im Opa soim Jesuskind Schdro midgebrochd
vareiade Woihnachdsbeem im Gaade oageguggt
REF
Gebrauchde Wegga zu daawe Wegg,
in neie Weg mit Rehrscha in de Pommesfrittes-Himmel
Lieda un Node un Sex uhne Drugs,
middags im Heiabett abgerockt
2x REF
Summa, Summa – Summa, Summa
Summa, Summa – Summa, Summa!
Isch hebb was geie Uniforme
Isch hebb e Outfit zum Baike
in Outdoor-Oazug zum Jogge
e foines Indoor-Duch fa die Disco
awwa in Schlips dää kimmt ma net oan de Hals
REF:
Wie isch die hass
mit ähre Krawadde
wie isch die hass
mit ähre Noodlschdreife
isch hebb die Sort Uniform sadd
mä kimmt koan Schddrigg um de Hals
Isch hebb Disoina-Tornschuh zum Keggln
Alles was ma fa’s Trekking brauchd
Fa’s Fitnesscenta schbezielle Klamodde
awwa in Schlips dä kimmt ma net oan de Hals
REF:
Fa die Kneip hewwisch T-Schirts mit UF druff
un eschde Oami-Jeans
Uffm Fußballbladtz duds die Schal un die Kapp vum Varoin
awwa in Schlips dä kimmt ma net oan de Hals
REF:
Fa ins Bett hewwisch Kroam vun de Uhse
und im Schi-Urlaub was ma sou brauchd
fa die Fasnachd hewwisch moi Ringlhemm
awwa in Schlips dä kimmt ma net oan de Hals
REF:
Fa de Sarg hewwisch e hoandgschdriggdes Hemm
un de Graabschdoo schun beim Colani beschdelld
Palme un BecksBierSchdraischa uffm Grab
awwa in Schlips dä kimmt ma net oan de Hals
REF:
Wie isch die hass
mit ähre Krawadde
wie isch die hass
mit ähre Noodlschdreife
isch hebb die Sort Uniform sadd
mä kimmt koan Schddrigg um de Hals
Geschdan hewwisch in Gott gedroffe
Geschdan , (oh ) geschdan hewwisch in Gott gedroffe
bei denne is aa nix mee, was es mol waa
Oh geschdan , geschdan hewwisch in Gott gedroffe
Ach Gott, was hot däs schwää
Ach Gott, was hot däs schwää
Drunne glaabt koa Sau mee was
Drunne is blouß noch de Deifl lous
goanze Tembl wän ins Ausloand gschaffd
die Schdandbilda sinn mit Kaugummi vaschmäät
Ref
Drowwe is die Autoridäd oam Arsch
die Heilische valoange käzare Arweidszeide
die Deifel wolle aa koa schdingisch Erwed mee
in de Hell sinn die Newekoschde oafach zu houch
Ref
Driwwe is die Konkurrenz zu schdarg
bei de Sekte gibts zu grouße Kapazidäde
die Glinglbeidel glebban aa nemme voll
un die Esoteriker wänn aa viel zu viel
Ref
Hiwwe hewwe se mit Häredigga die Laschd
vun de Adeischde aa mol gaa ned zu redde
die Werwungskosch die wänn aa imma heischa
un die Theologe kratze sisch blouß noch oam Kopp
Ref
Dischbediern
Un wonn se wia dischbediern
daß beim Adolf alles bessa wa
Un wonn se wia dischbediern
daß alle Schwule ufg’henkt kän
Un wonn se wia dischbediern
daß die Waiwa in die Kisch kän
R E F R A I N:
Hä net fort, laaf net fort
Dischpedier halt mit
Saach laut was de dengscht
wonn’s soi muß , donn kreisch laut
no, no, no…
Un wonn se wia dischbediern
daß die Polacke all vagaast kän
Un wonn se wia dischbediern
daß die Bimbos doch im Busch bleiwe solle
Un wonn se wia dischbediern
daß alle Tirke hom gschafft kän
R E F R A I N
Un wonn se wia dischbediern
daß Autofahrn dem Wald nix mescht
Un wonn se wia dischbediern
daß Mill sortiern was fa Dumme is
Un wonn se wia dischbediern
daß noch kona ’sOzonloch g’sehe hot
R E F R A I N
Un wonn se wia dischbediern
daß Auslänna vabrenne sou vakährt net wä
Un wonn se wia dischbediern
daß Poltitik blouß was fa die onnan wä
Un wonn se wia dischbediern
daß alle Arbeitslose faul wän
R E F R A I N
Un wonn se wia dischbediern
daß Kinna un Waiwa ab un zu Priggl brauche
Un wonn se wia dischbediern
daß es des beim Adolf net gewwe hät
Un wonn se wia dischbediern
daß Sie alles bezahle meeste
R E F R A I N
Dreckswedda
Oageloffene Brilleglessa – Heizungsgebolla
Ach Gott, was iss des Dreckswedda schee
Roure Bagge – un de Newwl im Hern
Ach Gott, was iss des Dreckswedda schee
Refrain: En Tee un doin Mund – doi Hoand in moinere
Ach Gott, was iss des Dreckswedda schee
En Tee un doin Mund – doi Hoand in moinere
Ach Gott, was iss des Dreckswedda schee
Audofenschda kratze – im Finfe wird’s schunn dungl
Ach Gott, was iss des Dreckswedda schee
Kalde Fieß – un die Naas leeft da ford
Ach Gott, was iss des Dreckswedda schee
Refrain
Kloamme Finga – die Hoandschuh in de Wesch
Ach Gott, was iss des Dreckswedda schee
Warme Kabbe – un die Oahrn fall’n da ab
Ach Gott, was iss des Dreckswedda schee
Refrain
Frisch gebaad – iwwerall roure Bagge
Ach Gott, was iss des Dreckswedda schee
Warme Schlabbe – un die Brill frisch gebutzt
Ach Gott, was iss des Dreckswedda schee
Refrain
Dief in Degge – uhne Bettflasch geglieht
Ach Gott, was iss des Dreckswedda schee
Warme Fieß – un die Brill schleeft schunn lengschd
Ach Gott, was iss des Dreckswedda schee
En Tee un doin Mund – doi Hoand in moinere
Ach Gott, was iss des Dreckswedda schee
Doin Mund uff moim Mund – doi Hoand sunschd iwwerall
Ach Gott, was iss des Dreckswedda schee
Ach Gott, was iss des Dreckswedda schee
Wunschzettel
Ein einsames Haus mit Garten,
mitten in der Stadt
Ein Theater nebendran,
‚ne Stammkneipe für mich ganz allein
mit vielen netten Leuten drin,
das wünsch‘ ich mir so sehr
Lieber, lieber Weihnachtsmann
Das wünsch ich mir so sehr
Mit dir allein im Mondschein,
bei Tag, wenn die Sonne scheint
Allein mit dir
unter vielen, vielen Freunden,
meine Traumfrau dabei,
einen Tannenbaum und Schnee
unter gleißender Sonne
direkt bei mir im Haus.
Lieber, lieber Weihnachtsmann
Das wünsch ich mir so sehr
Und dann noch,
wünsch ich mir so sehr,
hier in meiner Stadt
das Mittelmeer!
Und Urlaub jeden Tag um Viertel-Neun
und daß meine Neonlampe bräunt!
Lieber, lieber Weihnachtsmann
das wünsch ich mir so sehr!
Und dann noch,
wünsch ich mir so sehr,
hier in meiner Stadt
das Mittelmeer!
Und Urlaub jeden Tag um Viertel-Neun
und daß meine Neonlampe bräunt!
Und lieber, lieber Weihnachtsmann
keine Arbeitslosen mehr,
wie mich
Josef‘ s Lied
Logga, Mary, Logga
Maria zieh de Mondl aus
Logga Maria, Maria logga
kumm hä un legg disch hie
Logga, Mary, Logga
Maria zieh de Mondl aus
Logga Maria, Maria logga
Maria, o Marie
Okay des is koan Kreissaal
Okay, des is blouß sou in Schdall
Mary bleib logga, Maria, oh mary
Maria , Ach Gott, ball isses soweid
REF
Okay Mary, drigg, Mary drigg
Okay Mary blouß noch e bissl
Mary jezad goanz logga, Maria bleib logga
Maria noch e bissl, glei isses soweid
REF
Okay Mary, des waas, Du hoschd’s gschaffd
Okay oh Maria, was fa in schdromme Borschd
Mary, des waa logga vum Hogga
Mary, oh Maria, was fa in schdromme Borschd
Logga Mary, logga
Maria zieh de Mondl oa
Logga Mary, logga
schmigg disch un setz disch hie
Logga Mary, logga
Maria zie de Mondl oa
Die Show fengd oa , Glory un Gloria
Was leigt mä droa
Des is in un sell is out – Was leigt’n mä droa
De Dolla geit nuff uns Geld geit nunna – Was leigt’n mä droa
Hauptsach Du leigscht newa mä – Do leigt ma viel droa
Un oan dem Lied fa Disch – la,la,la,la,la
Des hewwisch net un erschtrescht net sell – Was leigt’n mä droa
De Leitzins sinkt, de Dax gei’t nuff – Was leigt’n mä droa
Hauptsach……
Des soll gut soi un sell net – Was leigt’n mä droa
Dä Schtrond is dreggisch un dort gibt’s koa Bier – Was leigt’n mä droa
Hauptsach……
Was dä wia alles gsaat hot un erscht soi Fraa – Was leigt’n mä droa
Was is die Welt mol wia sou schlecht – Was leigt’n mä droa
Hauptsach……
Un die do driwwe un erschtrescht die owwe droa – Was leigt’n mä droa
Was dä sisch älaubt un selli gemacht hot – Was leigt’n mä droa
Hauptsach……
Isch bin zynisch, isch bin faul – Du des bin isch net
Isch hebb koa Oahnung, isch bin blind – Du des bin isch net
Mä leigt blouß nix droa – Mä leigt blouß on dä
Du do newama – heit moied jetzt un do
Du do newama – heit moied jetzt un do
Du do newa ma – heit moied jetzt un do
Nix
Schnidsl Pommfritt un Salad
Eiswoi-Cola un Ketchup oan Trüffl
Heit mach isch nix, oafach nix
es sei doann mid dä
es sei doann mid dä
ouh ja, mit dä, mit dä
Isch leig im Graas, loss die Wolge flieje
die Ameise donze Eisbalett
un dehoam do käät die Kisch frisch gschdrische
un beim Zoaspengler war isch schun loang nimmee
REF
Isch hogg uff’m Balgon, loss die Bladdleis doanze
die Seeglfliescha schbiele Vakääskontroll
im Kella drunne drobsd imma noch de Hoahne
un in de Kisch do käät die Wesch gebiggld
REF
Isch laaf doarsch die Egga, loss Zeih-Markschoi wachse
die Kadoffln schwimme in de Maggi-Soos
un dehoam do käät de Gaade gegrawe
un vor’m Haus do is koan Raase gemähd
REF
Isch leig unna de Degg un gei nie mee schaffe
’s Kobbekisse fliegt mit mä zu dä
un doann flieje ma zomme
hoch, houch , houch un enuff
ENDEREF
Schnidsl Pommfritt un Salad
Eiswoi-Cola un Ketchup oan Trüffl
Heid mach isch endlisch mol was
isch mit dä, du mit mä
oh yeah oh yeah oh yeah.
Wu hie blouß, wu hie ?
( der ultimative Text für ein Grand-Prix-Lied)
Wu hie – gehen Dadeie woann isch se lesch, wuhu?
Wuhie – gehn die Wörder woann isch se ausradia, uhuu?
Wu hie blouß, wu hie ? Wu hie blouß, wu hie?
Wu geh’n moi Dadeie blouß hie?
Uf de Geischda-Schrottplatz,
wu se recycled wän
WiederAufBereitet
widder ufgewärmt
Uf de Geischda-Schrottplatz,
wu se recycled wän
zu Lieda wie dem, zu Lieda wie dem
Wu gehen Vawinschunge hie, uf die niemond mee was gibt, wuhu?
Wu bleibd des Party-Gebabbl uf des nie jemond k’härt hot, uhuu?
Wu hie blouß wu hie ? Wu hie blouß wu hie?
Wu gehe Vawinschunge hie?
REF
Wu kullan Krogodilsträne hie vum Standordgepiens vun frieher, wuhu?
Wu vaplatze die Luftschlessa vun de Sozialpolidiga vun geschdan, uhuu?
Wu hie blouß, wu hie? Wu hie blouß wu hie?
Wu kullan Krogodilsträne hie?
REF
Wu geh’n blouß die Leid hie, wu den Scheiß nemme hän wolle, wuhu?
Wu sin all die Leit hie, wu genau des nemme soi wolle, uhuu?
Dohä halt dohä ! Dohä halt dohä!
Die Leit kumme jetzt all zu uns hä!
Uf unsan Geischda-Schrottplatz,
wu se recycled wän
WiederAufBereitet
widder ufgewärmt
Uf unsan Geischda-Schrottplatz,
wu se recycled wän
zu Lieda wie dem, zu Lieda wie dem!
Dodevoar
Oagelacht wern weje nix
un net dodevoar
Blumme vaschenke weje nix
un net dodevoar
In Kuche backe weje nix
un net dodevoar
Sei so gut – net dodevoar
Ref :
Doedevoar, isch hebb’s halt satt des dodevoar
dodevoar hedsch dess griggt
dodevoar hedsch sell valonge kenne
un sei so gut un sach jetzt net
Dodevoar griggsch aa in Kuss
In liewe Kuss weje nix
un net dodevoar
laut lache weje nix
un net dodevoar
rumdonze weje nix
un net dodevoar
Sei so gut – net dodevor
Ref :
Iwwa die Glatz schtreischln weje nix
un net dodevor
In de Arm nemme weje nix
un net dodevor
zu oam halte weje nix
un net dodevor
Sei so gut – net dodevoar
Ref :
emol ausruhn weje nix
un net dodevoar
e Bier bezahle weje nix
un net dodevoar
die Wutz raus losse weje nix
un net dodevoar
Sei so gut – net dodevoar
Sei so gut – net dodevoar
Sei so gut – net dodevoar
Un Tschüss
Alla donn, bis moije
Moije is aa noch in Daag – Un Tschüss alla donn
bis moije alla donn, un Tschüss
Alla gut noch e Zigarett
Alla gut noch e klones Bier – Alla gut noch e leisl Lied
awwa de Montl loss isch oa
Un Tschüss – Waas des jetzt ?
Ach Gott, ach Gott noch long net – Awwa Tschüss – Awwa Tschüss
Alla Tschüss, alla Tschüss, alla Tschüss
Alla donn, ma sieht sisch
bis demnegscht do hin – Un Tschüss alla donn
bis demnegscht alla donn – Un Tschüss
Alla gut noch die Runde
Alla gut noch in warme Tee – Alla gut die CD noch
zieh isch halt moin Montl wia aus
Ref
Alla donn, bis nochher
isch kumm nochemol – Un Tschüss alla donn
bis innare Schtun alla donn – Un Tschüss
Alla gut mä gfellts bei dää
Alla gut isch hebb noch viel Zeit – Alla gut du gfellscht ma
bleiw isch halt heit Nacht bei dää
bleiw isch halt heit Nacht bei dää